Boekemakranka kombineer ‘n passie vir boeke met tegnologie, deur e-boeke.

Soms is daar ‘n boek wat Boekemakranka se aandag trek omdat dit ‘n spesifieke boodskap oordra wat ‘n impak maak op ‘n wye lesersmark. Hierdie week se aanbeveling: Oorkant jou.

Oorkant jou is gevul met die stories van die uiteenlopende mense wat Juliana Coetzer se pad kruis as psigoterapeut. Deur hul verhale van swaarkry en herstel, neem Juliana die leser op ’n reis wat eintlikons almal s’n is: die pad van grootword en eienaarskap neem.

Sy vertel hoe sommige kliënte haar inspireer en uitdaag om haar eie vrese te konfronteer, maar ook watter uitwerking dit op terapeute het om aan die wreedheid van die mensdom blootgestel te word. Daar is die families wat uitmekaargeskeur is as gevolg van seksuele misbruik, die man wat sukkel met sy selfbeeld weens afknouery en ook die prostituut Venicia wat ’n tragiese simbool van verwaarlosing word.

Juliana se aardse humorsin maak dat sy egter ook die komiese oomblikke raaksien – totdat die volgende storie oor die menslike toestand jou wind uitslaan.

 

Kliek op hierdie skakel vir ‘n lys van 100 Afrikaanse Topverkopers op Amazon

Kliek op hierdie skakel vir ‘n lys van alle eboeke op Amazon

Amazon bied ‘n groot verskeidenheid Afrikaanse e-boeke vir Kindle, wat ook op enige tablet of slimfoon gelees kan word. Probeer ook Audible vir audiobooks, dit werk heerlik op jou slimfoon. (App is gratis vir enige toestel).